CEAR-Euskadi kezkatuta dago Hondurasko herritarren behartutako lekualdaketengatik eta bertako giza eskubideen defendatzaileek jasaten duten jazarpenarengatik

CEAR-Euskadiko zenbait ordezkari Hondurasetik itzuli berri dira. Bertan izan dira, hain zuzen, Hondurasko giza eskubideen egoera behatzeko Euskadiko Ordezkaritzaren misioan parte hartzeko (2019ko urtarrilaren 27tik otsailaren 1era). Bidaia hori Giza Eskubideen Defendatzaileak Babesteko Programan parte hartu duten pertsonei eginiko segimenduaren barruan gauzatu da. 2018an programan parte hartu zuen pertsona bat Hondurasko Atxilotuen eta Desagertuen Senideen Batzordeko (COFADEH) kide da. Aste honetan zehar, Ordezkaritzak bilerak egin ditu hainbat erakunde, giza eskubideen GKE eta gizarte-mugimendurekin, Erdialdeko Amerikako herrialde horretako giza eskubideen egoera zein den aztertzeko.

Gehiago Irakurri

GIZA ESKUBIDEAK DEFENDATZEN DITUZTEN PERTSONENTZAKO BABESARI BURUZKO FORMAKUNTZA

CEAR-Euskadik, Euskadiko GGKE-en Koordinakundeak eta Nazioarteko Bake Brigadak erakundeak giza eskubideak defendatzen dituzten pertsonentzako babesari buruzko prestakuntza-lantegi bat antolatu dute martxoaren 19an, 20an eta 22an.

Zein da helburua?

Euskal erakunde sozialak indartzea, giza eskubideak defendatzen dituzten pertsona mehatxatuen arrisku-egoera murrizteko babes-neurrien bidez.

Nori dago zuzendua?

Arriskuan dauden giza eskubideen defendatzaileekin lankidetza-harremanak dituzten erakunde eta mugimendu sozialetako kideei.

Nork emango ditu lantegiak?

Vincent Valliesek. Testuingurua aztertzeko, prebentziorako eta babes integralerako estrategiak eraikitzeko eta nazioartean eragina izateko metodologietan aditua da. Erakunde humanitarioekin lan egin du gerra zibileko egoeretan, hala nola Kongoko Errepublika Demokratikoan, Kongon eta Ruandako genozidioan.Kolonbian, segurtasun-arduraduna izan da Munduko Medikuak erakundearekin, eta giza eskubideak eta komunitateak defendatzeko erakundeei babes integrala emateko parte-hartzezko lantegien arduraduna izan da Nazioarteko Bake Brigadak erakundearekin.

Noiz izango dira lantegiak?

HIRIA DATA ORDUTEGIA TOKIA
DONOSTIA Martxoaren 19an 16:00-20:00 Aiete KE
BILBAO Martxoaren 20an 16:00-20:00 La Bolsa
GASTEIZ Martxoaren 22an 16:30-20:30 Landatxoko Gizarte Etxea

 

Nola izena eman?

Izena emateko, bidali mezu elektroniko bat helbide elektroniko honetara: incidencia@cear-euskadi.org. Mezu elektroniko bat jasoko duzu, izena eman duzula baieztatzeko.

Mezu elektronikoan hau adierazi behar duzu:

–          Izen-abizenak

–          Zer elkarteko kide zaren

–          Zer hiritan egingo duzun lantegia

*Parte-hartzezko metodologia bermatze aldera, gehieneko partaide-kopuru bat ezarri da.Hori dela eta, gehienez 2 pertsonak izena eman ahalko dute erakunde bakoitzeko.

ESKUBIDEAK DEFENDATZEKO ESKUBIDEAREN ALDE

Nazioarteko Komunitateak giza eskubideak sustatzeko eta babesteko erabakia hartu du. Estatu guztiek hartu behar dituzte beharrezko neurriak herritar orok eskubide horiek baldintza aske eta seguruetan gozatzeko. Dena den, bizi garen munduan gerra eta diktadura ugari izateaz gain, demokraziak gero eta ahulagoak dira, eta sozietate zibilarentzako espazioak ixten doaz. Oro har, botere- desberdintasun- eta esklusio-asimetriak eta askotariko diskriminatzeko moduak ugaritu egin dira.

Gehiago Irakurri

Lolita Chávez Europako Parlamentuak eskaintzen duen Sájarov Sariaren finalista

Aurora Lolita Chávez, Guatemalako herri indigenen eta emakumeen eskubideen defendatzailea da. Europako Parlamentuak eskaintzen duen Kontzientzia-askatasunaren aldeko Sájarov Sariaren finalista geratu da, beste bi hautagaiekin batera. Sariak nazioarteko onespena eskaintzen die Giza Eskubideak eta Oinarrizko Askatasunak defendatzen dituzten lagun eta gizataldeei. Gaur egun, Lolita Chávez Giza Eskubideen Defendatzaileentzako euskal programan parte hartzen ari da .

Albistea ezagutzean ezin du bere emozioa ezkutatu: “Nire izendapenaren notizia jakin nuenean, zirraraz beteriko eguna izan zen, nire urtebetetze egunean esan zidaten eta. Hainbeste eraso bizi ostean eta nire bizitza arriskuan egonda, beste urte bat ospatzea pozgarria da. Finalista naizela esan didatenean, nire lana, nire ibilbidea eta nire arduraz gain, ni bezala lan egin duten defendatzaileak gogora ekarri nahi ditut, Amalurrarekin harmonian dagoen bizitza duin, justu eta bete  baten alde borrokan dihardugulako. Lan hori egiteagatik kriminalizatu gaituzte, asko kartzelaratu dituzte eta beste batzuk erail. Beraiei eskaini nahi diet izendapena, halaxe sentitzen dut”.

Aura Lolita Chávez Ixcaquic Guatemalako, herri indigenen giza eskubideen babeslea da eta K´iche´ Herrien Kontseiluaren ordezkaria izan da. Aldi berean, Feminismo komunitarioaren Antzinako Sendatzaile Sarearen kidea da.

Amerikarteko Giza Eskubideen Komisiora Guatemalako estatuaren kontrako salaketak eraman ditu, baita enpresa transnazionalen kontrako salaketa internazionalak ere. Auzitegietan parte-hartzen du, mehatz enpresen biktima diren emakumeak laguntzen. Defentsariak mehatxu, beldurtarazte, eraso, erailtze saiakerak, kriminalizatze eta epaitegiratzeak sufritu ditu. Guatemalako estatuak, aldebakartasunez, egun indarrean dauden eta CIDHak aurreikusi dituen neurriak bertan behera uzten saiatu da.

Defendatzaile hau eredu bat da lurren eta emakume indigenen eskubideen defentsan. Horregatik, interesa piztu dezake gai berberetan diharduten beste pertsona eta kolektibo batzuentzat.

EZ DEZAGUN AHAZTU HONDURAS!

CEAR-Euskadik, Joxemi Zumalabe Fundazioak eta Mundubat Fundazioak nazioarteko deia egiten dugu, Honduras arreta-gune izan dadin, egun hauetan, bereziki; izan ere, herrialde hori hauteskunde-aldian dago, eta horrek aktibisten eta giza eskubideen defendatzaileen aurkako indarkeriaren gorakada izugarria eragin du, gizarte-erakunde eta -mugimenduek hedatutako informazioen arabera.Horregatik guztiagatik, elkartasun internazionalista funtsezkoa izango da aurten Hondurasko mugimenduentzat.

Gehiago Irakurri

GERNIKAKO KULTURA ETA BAKEAREN NAZIOARTEKO XXVII. JARDUNALDIAK: MUGA, ITZALAK ETA EDERTASUNA

Gernikako bonbardaketaren 80. urteurrenaren oroitzapenezko ekitaldien XXVII esparruan, Gernika Gogoratuz eta CEAR Euskadik elkarrizketarako eremu bat ireki dute, Bakearen Kulturaren garapena sustatzeko.XXVII. edizioa izango da eta apirilaren 27 eta 28an leku-aldatze derrigortuen gaia hartuko da hizpide, hainbat aspektu landuz, hala nola arrazoiak eta ondorioak. Asilo-eskubidea eta gerratik, indarkeriatik eta miseriatik ihesi datozen pertsonen joan-etorria. Erbestearen iraganeko eta gaur eguneko esperientziak. Gizartearen erantzukizun politikoa eta erronka, harrera duin bat bermatzeko. Gerraren aurreko elkartasun eta iraunkortasun ekimenak.

Jardunaldietan parte hartzeko inskripzioa dohainik da baina izen-emate fitxa bete eta info@gernikagogoratuz.org helbidera bidaltzea beharrezkoa da.

Informazio gehiago: https://www.gernikagogoratuz.org/eu/agenda/show/id/132

Egitaraua