Arabako hainbat udalerritako biztanleak Bizilagunak 2018 egitasmoarekin bat egingo dute berriz ere

Hurrenez hurreneko bosgarren urtez ospatuko da Araban Bizilagunak kultura arteko bazkaria. Arabako Foru Aldundiaren eta CEAR-Euskadik lurraldeko Zurrumurruen Aurkako Estrategiaren esparruan sustatuko egitasmoa da, eta zurrumurru arrazista eta xenofoborik gabeko kultura arteko bizikidetza sustatzea du helburu. Azaroaren 11n (igandea) izango da hitzordua.

Egun horretan, Arabako etxe eta/edo txokoetan jatorri kultural ezberdinetako familiak elkartuko dira bazkalorduan. «Askotan gure bizilagunak ezagutu nahi ditugu, baina ez dugu haiekin elkartzeko topagunerik. Bizilagunak programarekin gure etxeetako ateak zabaltzen ditugu, gure eguneroko espazio pertsonala. Aurreko urteetako esperientzietan oinarrituz, egiaztatu ahal izan dugu horrelako egitasmoak kultura ezberdinetatik datozen pertsonen arteko adiskidetasun handien hasiera izaten direla», esan du Arabako CEAR-Euskadiko arduradun Rosabel Argotek.

Arabako Diputatu Nagusiaren Kabinetearen zuzendariak, Nekane Zeberiok, adierazi du Bizilagunak ekimenaren asmoa “Araban gizarte irekia, anitza eta elkarrekiko errespetuan oinarritutakoa eraikitzen” laguntzea dela. “Xumea bezain eraginkorra, parte-hartzaileen bizipenetan oinarritzen delako ekimena. Hori da bere indargune nagusia”, azaldu du.

Daouda Traore Boli Kostatik dator. Urtez urte abenduan egiten den Bizilagunak familia-topaketetan parte hartu izan du musikaren bitartez; zehazki, emanaldiak eskaini izan ditu euskara eta afro reggaea uztartzen dituen Kultura Reggae Band bere musika-taldeak. Kultura ezberdinetatik datozen taldekideak biltzen ditu musika-talde horrek, eta aurten lehen aldiz hartuko du parte bazkarietan gonbidatutako familia gisa. Daoudarentzat «Bizilagunak programak jendea ezagutzeko, haiekin erlazionatzeko eta adiskidetasunak sortzeko aukera ematen du».

Gasteizko ekintzaile historiko Juantxo Oskozek Bizilagunak egitasmoaren azken bi edizioetan hartu du parte bere familiarekin. Berarentzat «azaroaren 11n gurekin bazkaltzera etorriko direnei geure buruko nahiz etxe edo txokoetako ateak irekitzea da».

 

Iaz, Bizilagunak egitasmoan, 44 herritartasun ezberdinetako 1.000 lagun bildu ziren 93 etxe eta txokotan. Honako kuadrilla hauek hartuko dute parte aurten: Arabako Lautada, Kanpezu-Arabako Mendialdea, Ariarako Kuadrilla, Guardia-Arabako Errioxako Kuadrilla eta Vitoria-Gasteiz.

Jarraian datorren estekan kontsulta dezakezu izen emateko moduei buruzko informazio guztia: https://www.cear-euskadi.org/bizilagunak-2017-una-convivencia-culturas-sin-rumores-xenobofos/

Sakatu hemen edizio honetako bideoa ikusteko.

 

Bizilagunak 2018: Zurrumurru xenofoborik gabeko kulturen arteko elkarbizitzaren alde

Ireki zure etxeko ateak, zabaldu zure gogoa! Ez utzi endredatzen! Izan Bizilaguna!

Zer da Bizilagunak ekimena?

Azaroak 11an, etorkin, errefuxiatu eta bertoko familiak bazkaltzeko elkartuko dira Araban. Gauza bera gertatuko da Euskal Herriko, Europako eta munduko herri eta hirietako beste hainbat etxeetan.

Bazkari bakoitzean, bi familiaz gain, dinamizatzaile batek parte hartuko du, antolaketan laguntzeko. Familia kontzeptua, modu zabalean ulertuta, noski: ama bakarrak; emakumez, gizonez edo emakume eta gizonez osatutako bikoteak, seme-alabekin edo gabe; pisukideak; bakarrik bizi diren pertsonak, amamak beraien ilobekin; lagun taldeak…

Bizilagunak zertarako eta zergatik?

Asko gara kultura ezberdinetako pertsonak ezagutzeko gogoak ditugunok, baina  askotan, aukerak topatzea zaila egiten zaigu.  Elkar ezagutzeko aukerak eskaini nahi ditugulako, gonbidapen hau luzatzen dizuegu kultura ezberdinen arteko pertsonen artean murgiltzeko eta elkarbizitza sustatzeko. Bizilagunak ekimenaren bitarteaz, harremanak eta kontaktu berriak egitea errezten da, loturak sortuz Gasteizen bizitzea erabaki dugun onartean, gure jatorria edozein izanda: “hemengoa”, etorkina edo errefuxiatua.

Aurreko urtean 44 herrialdeetako mila lagun baino gehiago 93 etxe eta txokotan elkarrekin bazkaldu zuten. Anima zaitez aurten!

Deskargatu hemen informazio liburuxka.

Izena eman!

Bazkarian parte hartzeko

Dinamizatzailea izateko

 

Nahiago baduzu, jarri zaitez zuzenean gurekin harremanetan:

Nahi izatekotan, CEAR Euskadik aurrera eramaten duen ekintza honen antolaketan parte hartu dezakezu boluntario moduan.

Informazio gehiagorako, jarraitu gaitzazu!

Arabako artistek, musika-taldeek eta bakarlariek Bizilagunak 2017 ekimenean parte hartzeko gonbidapena luzatzen dute

Laugarren urtez, Arabak Bizilagunak ekimenarekin bat egingo du, kuadrilla berri baten parte hartzea gehituz: Vitoria-Gasteiz, Aiara, Kanpezu eta Lautadako kuadrillei Errioxakoa eransten zaie. Azaroak 19an izango da aurtengo hitzordua: etorkin, errefuxiatu eta bertoko familiak bazkaltzeko elkartuko dira. Gauza bera gertatuko da Euskal Herriko, Europako eta munduko herri eta hirietako beste hainbat etxeetan.

CEAR-Euskadik eta Arabako Foru Aldundiak antolatutako ekimena da, lurraldeko Zurrumurruen Aurkako Estrategiaren baitan burutzen dena, ondoko lemapean: “Zaratak ez dezala zure burua kutxatu”. Aurten, Arabako musikariek Bizilagunakekin bat egin dute beraien musikarekin Kulturen arteko elkarbizitza sustatzeko asmoz. Zurrumurru xenofoboen zarataren aurrean ondoko artistek beraien musika ekimen honen esku jarri dute: Green Valley, Carlos Mena, En Tol Sarmiento (ETS) eta EH Sukarra, beste batzuen artean. Hementxe ikusi dezakezu parte hartzeko gonbidapen bideoa: https://www.youtube.com/watch?v=ZV2Uc9Za8Yk

Rosabel Argotek, CEAR- Euskadiko Arduradunak Araban, azaldu duenez: “Aurreko urtean, 30 nazionalitate ezberdin inguru eta 227 familiek Araba harrera lurraldea dela ozenki esan zuten. Aurten zifra gainditu nahi dugu eta gutxika jatorri ezberdina duten pertsonen arteko laguntasun sarea sortu. Aurreko esperientziek Bizilagunak kultura ezberdinen arteko pertsonen elkarbizitza bermatzeko tresna paregabea dela erakutsi digute. Europako muga ezin dugu ireki, baina ireki ditzakegu gure etxeko ateak eta zabaldu dezakegu gure gogoa”.

Nekane Zeberiok, Arabako Ahaldun Nagusiaren Kabinete Zuzendariak, hauxe azpimarratu du: “Gure lurraldean bizi garen herritarron %11ak, 35.000 pertsonek, gutxi-gora behera, jatorri atzerritarra du. Aniztasunak eta errespetuan oinarritutako bizikidetzak Arabaren izaeraren ezaugarri izan daitezen lanean jarraituko dugu beraz. Hori da Arabako Foru Aldundiaren abiapuntua eta hortan oinarrituta bultzatzen ditu kultur-artekotasuna sustatzeko egitasmoak”.

Diana Idris Nigeriako emakume errefuxiatua da eta aurten bere lehenengo aldia izango da ekimen honetako parte-hartzaile gisa. “Askok uste dute gure bidaia leku seguru batetan gaudenean bukatzen dela, baina ez. Bizitza berri bat zerotik hasten dugu, horrek dakarrenarekin. Horregatik, eskertzekoa da hartzen gaituen gizarteak harrera duina egitea. Bizilagunak bezalako ekimenek gure artean elkar ezagutzeko eta harremanak estutzeko parada onak dira”.

Blanca Urgellek,  Eusko Jaurlaritzako Kultura Sailburu ohiak, urteak daramatza Bizilagunaken parte hartzen: “Denok entzun ditugu errefuxiatu eta migratzaileen inguruko zurrumurru arrazista eta xenofoboak. Horrekin bukatzeko aukera paregabea da Bizilagunak ekimenean parte hartzea, gure gogoa zabaltzeko. Azaroak 19ko hitzorduan parte hartzeko gonbidapena luzatu nahi dut, bazkari soil bat partekatzetik haratago doan ekintza bat delako, aurreiritziak hautsi eta gure kaleetan, auzoetan eta herrietan dauden pertsonak ezagutzeko aukera paregabea da”.

Hementxe kontsulta dezakezu izena-emateko dauden bide guztiak: https://www.cear-euskadi.org/eu/bizilagunak-2017-zurrumurru-xenofoborik-gabeko-kulturen-arteko-elkarbizitzaren-alde/

27 euskal kazetarik bat egin dute errefuxiatuei buruzko zurrumurru arrazista eta xenofoboak geldiarazteko

Zurrumurruen aurkako “Ez Utzi Endredatzen” kanpainari jarraipena emateko, CEAR-Euskadik “Kazetariak Xenofobiaren Kontra” taldearen bigarren bideoa argitaratu du, Bizkaiko eta Arabako foru-aldundien laguntzarekin. Duela bi urte aurkeztutako bideoaren bigarren zatia da; lehenengo bideoan, estatu osoko hedabideetan agertu ohi diren zenbait ahots eta aurpegi ezagunek parte hartu zuten, hala nola Jordi Évolek eta Pepa Buenok. Oraingoan, Euskal Herriko 27 kazetarik egin dute bat kanpainarekin, beren ahotsak bateratuz gorrotoaren diskurtsoari aurre egiteko, kulturarteko elkarbizitza sustatzeko eta hedabideetatik zenbait gidalerro emateko, zurrumurru xenofoboak amaitze aldera.

Gehiago Irakurri

CEAR-Euskadik “Jantzideiak” aurkeztu du, hiyabaren eta beste arropa identitarioen inposatze eta debekuaren inguruko ilustrazioko liburua

Raperoak, antimilitaristak, Palestinaren aldeko aktibistak eta hiyaba edo belo islamikoa. Zer daukate komunean? Taldeak, hiri-tribuak, identitate ezberdineko kideak edota gizarte mugimenduetako lagunak direla eta sistema hegemonikoaren portaeratik aldentzen direla. Protestatzen dute, inkonformistak dira edo besterik gabe ezberdinak dira, gizartearen arau nagusietatik aldenduz. Historikoki, mugimendu hauek jantzitako arropak sortutako identitateak aldarrikatzeko erabili dituzte. Argitalpenak azaltzen du jantzi hauen erabilera eta ikusgaitasuna hedatzen den heinean eta sistemaren homogeneotasuna eta egonkortasuna arriskuan dagoelaren sinesmena dagoenean, modaren industriak jantzi hauek usurpatzen dituela eta gauza bihurtzen dituela, bere esanahia erabat aldatuz.

Gehiago Irakurri

CEAR-Eukadik “Ez Utzi Endredatzen” zurrumurruen aurkako kanpainaren 2. edizioa ezagutzera ematen du errefuxiatuak protagonistak diren bideo baten bidez

Bihar ospatzen da Xenofobia eta Arrazakeriaren Aurkako Nazioarteko eguna. Data kontutan izanda, CEAR-Euskadik “Ez Utzi Endredatzen” kanpainaren jarraipena den bideo berri bat plazaratu berri du.  Kasu honetan, errefuxiatuekiko dauden aurreiritzietan oinarritzen da. Enpatia eta zirrara sortuz, bideoak mezu bat zabaldu nahi du herritarren artean: Errefuxiatuen inguruan sortzen diren zurrumurru arrazista eta xenofoboen aurrean nahasten ez uztea, hala nola: asilo eskatzaileak yihadismoarekin zuzenean gizarte laguntzen gehiegizko erabilera egiten dutela.

Gehiago Irakurri