Kazetariekin tokian bertan egindako misioa, Hidroituango (Antioquía, Kolonbia) zentral hidroelektrikoaren eraginak ezagutzeko

Zehar-Errefuxiatuekinek, erakunde sozialek eta tokiko liderrek elkarlanean egindako misioak agerian utzi du indarkeria gogortzearen, erauzketa-proiektuak ezartzearen eta behartutako desplazamenduen arteko harremana.
Empresas Públicas de Medellín-ek (EPM) ezarritako Hidroituangoko zentral hidroelektrikoak komunitate asko lurraldean geratzea kolokan jarri du, pobretzea eraginez eta behartutako desplazamenduen bitartez. Raquel Celisek, Zehar-Errefuxiatuekin elkarteko Intzidentzia taldeko kideak, bertan egiaztatu du: “Cauca ibaiertzean urrea ateratzen zuten barekeroak izan dira kaltetuenak. Antzinako kultura galdu izana eta artisautzako meatzaritza desagertu ondoren bizimodu berriak aurkitzeko ezintasuna salatu dute. Presaren eragin-eremuan dauden talde armatuek erresistentzian dauden liderrak erasotzen dituzte. Emakumeek premia larrian egiten diote aurre elikadura-subiranotasunaren galerari eta osasunerako sarbidearen prekarizazioari, bai eta indarkeria matxistari, biziki maskulinizatutako ingurune batean, non gero eta langile gehiago enpresen zerbitzura dauden eta legezko eta legez kanpoko eragile armatuak haziz doazen”.
Zentral hidroelektrikoaren eragin-eremuak interes estrategiko handia du meatze-multinazionalentzako: lur bizigarrien % 90 emakidatu dituzte. Elkarrizketatutako eraile guztiak bat datoz indarkeriaren erabilera eta ehun soziala apurtzea estrategia gisa erabiltzen direla lurrak kentzeko, biztaleria kontrolatzeko eta erauzketa-proiektuei mesede egiteko, pobrezia hareagotzearekin eta desplazamenduak behartzearekin batera.
Misioa hainbat erakunderekin batera antolatu da: Paz Con Dignidad-OMAL, Corporación Jurídica Libertad, Red de Organizaciones Campesinas y Sociales del Norte y Bajo Cauca Antioqueño, Nodo Antioquia de la Coordinación Colombia-Europa-Estados Unidos eta Ríos Vivos mugimendua.
Ibilbide bat egin dute Medellinetik Toledo, Ituango eta Valdivia udalerrietara eta Puerto Valdiviako korrejimentura. Bertan, honako kazetari hauek hartu dute parte: Hibai Arbide eta Adriana Cardoso (Zungu Coop.); Arantxi Padilla eta Marcos Alonso (EiTB); María Ángeles Fernández (Pikara Magazine eta www.desplazados.org), Jairo Marcos (freelance fotokazetaria eta hedabide horren sortzaileetako bat), Maite Asensio (Berria), Gabriela Sánchez (www.eldiario.es) eta Silvia Corredor (El Espectador). Zazpi egunez, aipatutako gune eta erakunde horietako hogei lider sozialekin baino gehiagorekin egon dira, eta beren komunitateen egoeraren berri jaso dute.
EPMk Zehar-Errefuxiatuekinekin eta prentsarekin hitz egin du, eta ‘ez-borondatezko bersaneamendua’ kontzeptua erabili du ondasun guztiak, etxebizitza barne, galdu dituzten pertsonen inguruan hitz egiteko. 279 familia dira guztira, enpresaren hitzetan dagoeneko erreparatuak izan omen direnak. Beste 1.299 familia ere zenbatu ditu ‘kaltetu’ gisa eta, enpresaren arabera, hauek ez dira birkokatuak izan behar. Celisek deitoratu du “bizimoduen galerak eta lurraldearen degradazioak komunitateen desplazamendu behartua eragiten duela ez aitortzea. Pertsona deserrotuak dira”.

Bizilagunak kulturarteko bazkariak Arabara itzuliko dira azaroaren 20an

Bizilagunak Arabako Foru Aldundiaren eta ZEHAR- Errefuxiatuekin elkartearen apustua da, eta Zurrumurruen aurkako eta Kulturen arteko Bizikidetzaren aldeko Estrategiaren barruan kokatzen da

Iaz 32 nazionalitate inguruko 600 pertsona inguru bildu ziren Arabako zortzi udalerritan

Gasteiz, 2022ko urriaren 21a. “Elkar ezagutzearen onena. Lo bueno de conocernos” lemapean, Arabako etxe eta txoko ugari Bizilagunak ekimenera bilduko dira azaroaren 20an, igandean. Ekimen horren bidez, mahai baten inguruan bi familia bildu nahi dira, hau da, kultura jatorri desberdinetako pertsonak eta bizilagunak, zurrumurru arrazistak eta xenofoboak zalantzan jarri eta kulturarteko bizikidetzaren alde egiteko. Bizilagunak ekimenak ikuspegi zabalago batetik ulertzen eta lantzen du familia hitza, hau da, elkar maite duten pertsonen taldearen ikuspegitik.

Ekimenaren seigarren edizioa da Araban, eta urte bakar batean huts egin da (2020), pandemia dela-eta. Bizilagunak Arabako Foru Aldundiaren eta ZEHAR- Errefuxiatuekin elkartearen apustua da, eta Zurrumurruen aurkako eta Kulturen arteko Bizikidetzaren aldeko Lurraldeko Estrategiaren barruan kokatzen da, biztanleria migratuari eta arrazaren arabera sailkatuari lotutako zurrumurruei, aurreiritziei eta estereotipoei aurre egiteko, askotan bizikidetza zailtzen baitute.

Ainhoa Campo Berdintasun, Lankidetza eta Kulturartekotasun zuzendariak dioenez “Guztion erronka da topaketa horiek eskaintzen diguten aberastasuna aprobetxatzea, Arabako gizarte honek aurrerapauso handia eman dezan benetako kulturarteko bizikidetza lortzeko, integrazio eredu gisa; izan ere, kulturalki aniztuna eta askotarikoa izateaz gain etengabe aldatzen ari da”.

Gaur goizean egin den aurkezpenean, Ainhoa Campok nabarmendu du Bizilagunak ekimena Zurrumurruen Aurkako Estrategiak lurraldean duen hedapenaren parte dela, Arabako Foru Aldundiaren lehentasunezko eta beharrezko ekintza ildo gisa, lurraldean bizikidetza eta gizarte kohesioa lortzeko. Zubiak sortzen jarraitu behar dugu, eta aurreiritziak alde batera utzi. Topaketa horiek kultura desberdinetako pertsonengana hurbiltzeko modu bat dira.

June Astobiza Zehar-Errefuxiatuekin eragin taldekoak , bizilagunen artean nabarmentzen da. Gure etxeetako ateak irekitzeko, mantela, elkarrizketa eta janaria partekatzeko keinuak duen gaitasun eraldatzailea da. June Astobiza Zehar-Errefuxiatuekin eragin taldekoak Bizilagunak ekimenetik nabarmendu du “gure etxeetako ateak irekitzeko, mahai-zapia, elkarrizketa eta janaria partekatzeko keinuak duen gaitasun eraldatzailea” Hori guztia familia egun batean, igande batean, eta gure etxeetako intimitatean. Gure helburua da pertsona desberdinekin elkartzeko espazioak eskaintzea. Auzokideak ezagutzeko interesa eta jakin-mina erakusten duten pertsonak, baina bultzada behar dutenak urratsa emateko. Bizilagunak programan izandako lehen harremanaren ondorioz, eta denborak aurrera egin ahala, adiskidetasun lotura sendoak sortu direla jakin dugu. Hori da ekimen honen benetako funtsa, gehiago dira hurbiltzen gaituzten gauzak urruntzen gaituztenak baino.

Iaz 32 nazionalitate inguruko 600 pertsona inguru bildu ziren Arabako zortzi udalerritan. Aurten, Arabako kuadrilla guztiak Bizilagunak programan inplikatu nahi izan dira, eta helburua da Gorbeialdeko, Aiaraldeko, Lautadako, Mendialdeko, Añanako eta Arabako Errioxako bizilagunek parte hartzea.

Izena emateko, INPRIMAKI hau bete behar da azaroaren 6a baino lehen. https://docs.google.com/forms/d/e/1FAIpQLScyCV2A20ijdMnQ-M85D0sSKT5DoyFiDz-l0F4yvf4t7kUHgA/viewform

Bizilagunak Araba 2022. Elkar ezagutzearen onena.

Zer da?

Badator Bizilagunak berriro, azaroaren 20ean. Ekimen honek, igande batean, mahai baten inguruan, ezagutzen ez diren identitate kultural desberdineko bi familiek elkarrekin bazkaldu dezaten sustatu nahi du. Familia bera, elkar maite duten edozein persona talde bezala ulertzen dugu.

https://www.youtube.com/shorts/mQY1EcrFDfc

Zertarako?

Elkar ezagutzea ezinbestekoa dela sinisten dugulako. Gero eta jende anitz gehiago ezagutu, gero eta erraminta gehiago ditugu harremantzeko orduan estereotipo eta aurreiritziak zalantzan jartzeko. Igandeko bazkaria elkarbanatzea, elkarbizitza osasuntsu hori sustatzeko abiapuntua izan liteke. Horretarako familiek elkarrekin bazkal dezaten sustatu nahi dugu, familia bera, elkar maite duten edozein pertsona talde bezala ulertuta.
Horretarako, parte hartu nahi duten familien bila gabiltza. Animatzen zarete?

Horrela badaizena emateko, hemen: formularioa azaroak 6 baino lehen.

Arabako Foru Aldundiak eta ZEHAR-Errefuxiatuekinek duela sei urte abiarazi zuten ekimena lurraldeko “Zurrumurruen aurkako estrategiaren” esparruan. Xedea da atzerritarrekin lotutako zurrumurru, aurreiritzi eta estereotipoei aurre egitea, maiz bizikidetza oztopatzen baitute.

Giza Eskubideen Defendatzaileak Aldi Batez Babesteko Euskal Programan parte hartzeko deialdia ireki da

Aurten ere, Zeharrek Giza Eskubideen Defendatzaileak Aldi Batez Babesteko Euskal Programa kudeatzen du, Eusko Jaurlaritzak bultzatua, Giza Eskubideen, Biktimen eta Aniztasunaren Zuzendaritzaren bitartez.

2023eko deialdian parte hartzeko hautagaitzak jasotzeko epea zabaldu berri da. Eskaerak urriaren 15era arte egin ahal izango dira.
Informazio guztia HEMEN.  

ROSANA MEJÍA CAICEDO ACONC-EKO KONTSEILARI NAGUSIAREN AURKAKO ATENTATUA SALATZEN DUGU, GERTATUTAKOA ARGITZEA ETA MEJÍA CAICEDO ANDREA ETA HAREN FAMILIA BABESTEA ESKATZEN DUGU

Giza Eskubideen Defendatzaileak Babesteko Euskal Programaren esparruan, euskal erakunde publikoek, giza eskubideen eta Kolonbiarekiko elkartasunaren aldeko erakundeek, Rosana Mejía Caicedo andreak, Cauca Iparraldeko Kontseilu Komunitarioen Elkarteko (ACONC) kontseilari nagusiak eta haren familiak jasandako atentatua salatu egiten dugu. Abuztuaren 21ean, igandea, 11:00etan, Caloto udalerriko Santa Rosa bidexkan suzko armak leherrarazi ziren bera eta bere familia zeuden etxebizitzaren aurka. Zorionez, etxeko leihoetatik sartu ziren jaurtigaiak hormetan sartu ziren eta ez zen heriotzarik edo zauriturik izan.

Eusko Jaurlaritzak, Eusko Legebiltzarrak eta giza eskubideen eta elkartasunaren aldeko euskal erakundeek harreman berezia dugu ACONCekin; izan ere, haren sailburu nagusi den Mejía Caicedo andreak eta beste lider batek parte hartu dute, Emigradxs Sin Fronteras euskal GGKEaren laguntzarekin, Giza Eskubideen, Biktimen eta Aniztasunaren Zuzendaritzak gidatzen duen Giza Eskubideen Defendatzaileak Babesteko Euskal Programan. Programak, gainera, Garapenerako Lankidetzaren Euskal Agentziaren, Unibertsitateen, giza eskubideen eta elkartasunaren aldeko erakundeen eta Eusko Legebiltzarraren babesa du, eta Zehar-Errefuxiatuekin elkarteak kudeatzen du. Guztiok dugu Euskal Autonomia Erkidegoan hartzen diren giza eskubideen defendatzaileen egoeraren jarraipen eta zaintza berezia egiteko konpromisoa. Gainera, 2020tik, eLankidetza ACONCen lana babesten ari da, Consejo Territorial Interétnico e Intercultural del Norte del Cauca (CTIINC) kide den aldetik.
Euskal ordezkaritza batek, 2019ko uztailean eta 2022ko urtarrilean, ACONCeko kideek jasaten ari diren jazarpen eta mehatxu sistematikoak tokian bertan egiaztatzeko aukera izan zuen. Egoera hori larriagotu egin da Mejía Caicedo andreak jasandako atentatuaren ondoren. Agindu horri erantzunez, berriro diogu kezkatuta gaudela gertakari horiengatik eta ACONCeko kideen osotasun fisiko eta psikologikoagatik, bereziki haren kontseilari nagusi Mejía Caicedo andrearena. Atentatua eta giza eskubideen defendatzaileek Kolonbian egunero jasaten dituzten eraso guztiak gaitzesten ditugu.

Mejía Caicedo andreak jasandako atentatua salatzen dugu, eta agintari eskudunei ESKATZEN diegu:

  1. Egia argitzea, ikerketa inpartzial baten bidez, atentatu honen egile material eta intelektualengana eramateko.
  2. Caucako eta herrialdeko gainerako jatorriz afrikar, indigena eta nekazarien bizitza eta lurraldea babesteko berme erreal eta eraginkorrak, indibidualak eta kolektiboak indartzea eta ezartzea.
  3. Landa-komunitateek adostutako Akordio Humanitarioak aitortzea eta sustatzea; izan ere, sektore sozial eta instituzional zabalen babesa dute, eta biztanleria zibilarentzat babes bat dira, non lehian dauden eragile armatuak dauden.

Azkenik, giza eskubideen defendatzaileekiko, herri indigenekiko, herri beltzekiko eta nekazarien komunitateekiko GURE LAGUNTZA eta ELKARTASUNA berresten dugu, horiek baitira indarkeriaren eta gatazkaren biktima nagusiak. Justizia soziala duen herri baketsu bat eraikitzeko konpromisoa aitortzen dugu, eta bere antzinako lurraldeetan BIZITZAREKIKO eta IRAUNKORTASUNAREKIKO errespetua eskatzen dugu.

Bilbo (Euskadi), 2022ko abuztuaren 24a.