Eman izena ‘Deserrotuak: Ez da klima, kapitala baizik’ ikastaroan

Formakuntza interesgarri honetan parte hartzera gonbidatzen zaitugu! ‘Deserrotuak: Ez da klima, kapitala baizik. Indarkeria, erresistentzia eta  desplazamendu behartuen aurrean alternatibak’ izeneko online ikastaroa da. Jarraian kontatuko dizugu zergatik ezin duzun galdu:

Funtsezko gaietan sakondu:

Ikastaroaren saio bakoitzean migrazio klimatikoen eta bortxazko desplazamenduen inguruko funtsezko alderdietan sakonduko dugu. Hainbat gairen inguruan hitz egingo dugu ekintzaile adituekin, eta sakonduko dugu nazioarteko babesean, genero ikuspegian, giza eskubideen defentsan eta multinazionalek tokiko komunitateetan duten eraginean.

Giza Eskubideen Defendatzaileak:

Bertatik bertara ezagutuko ditugu giza eskubideen defendatzaileen borroka pertsonal eta kolektiboak, hala nola: Dalila Argueta, Guapinoleko (Honduras) defendatzailea eta Basoa-Etxeko kidea; eta Leiria Vay, Guatemalako Giza Eskubideen eta Ama Lurraren defendatzailea

Kontakizun arduratsua eraikitzea:

Botere korporatiboaren rola aztertuko dugu Paz Con Dignidad- OMALeko Erika Gonzáles eta Pedro Ramirorekin. Gainera, klimaren migrazioari eta behartutako desplazamenduei buruzko beste kontakizun bat eraikiko dugu.

Halaber, mugen politikek iheslarien bizitzetan dituzten ondorioak aztertuko ditugu, Gustavo de la Orden ikertzailearekin eta Itsas Salbamendu Humanitarioa GKEarekin, hain zuzen ere.

Mundu Hobe baterako alternatibak:

Kontsumo jasangarriago eta gizatiarrago baten aldeko alternatibak proposatuko ditugu, baita bizitza erdigunean jartzen duten ekimenak ere. Ainhoa Bilbaok, Iratxe Arteagoitiak eta beste aditu batzuk desplazatu gabe bizitzearen inguruko beren jakintzak partekatuko dituzte.

Ikuspegi feminista:

Iraultza feminista izango da, ala ez da izango. Silvia Piris eta Julia Marík bizitza erdigunean jartzen duten tokiko ekimen eta sareak azalduko dituzte, munduaren ikuspegi parekide eta jasangarriago baten alde.

Xehetasun garrantzitsuak:

  • Data:  Urriaren 2tik azaroaren 20ra.
  • Egunak: astelehenero.
  • Ordua: 17:00etan (GTM +1).
  • Plaza libreak: Oraindik bada lekurik!

  Eman izena!

2022ko Urteko Txostena argitaratu berri dugu

«Sentsazio gazi-gozoak utzi dizkigun urtea izan da. Oro har, ez dago ezer ospatzeko; izan ere, Ukrainako gerrak milioika pertsona behartu zituen alde egitera, eta horietako batzuek babesa aurkitu zuten Euskadin. Berriro ikusi genuen nola euskal gizartea buru-belarri murgildu zen bonbetatik ihesi zetozen errefuxiatuei elkartasuna emateko. Erakundeen erantzuna ere azkarra izan zen, eta inoiz erabili ez ziren babes-mekanismoak jarri ziren martxan, lekualdatutako pertsonak aldi baterako babesteari buruzko 2001/55 Europako Zuzentaraua aplikatzeari esker. Polizia-etxeak berehala hasi ziren baimenak izapidetzen, eta administrazioak beharrezko baliabideak mobilizatu zituen, arintasun eta eraginkortasun ezezagunarekin. Horrek erakutsi zuen borondate politikoa dagoenean pertsonak babes daitezkeela. Baina, tamalez, ez dugu erantzun bera ikusi babesa behar duten eta Ukrainatik ez datozen pertsonek erabiltzen duten nazioarteko babeserako prozedura arruntarekin. Izan ere, oso konplexua eta berantiarra da lehen hitzordu bat lortzea polizian asilo-eskaera hori izapidetzeko. Hortik dator geratzen zaigun sentsazio gazi-gozo hori».

Gehiago Irakurri

Zehar-Errefuxiatuekin eta CEAR Euskadin erakundeek dei egiten dute errefuxiatuak diskriminatu gabe hartzera

Gaur Errefuxiatuen Munduko Egunaren bezpera da, eta, urtero bezala, Zehar-Errefuxiatuekin eta CEAR erakundeek asiloari buruzko azken datuen balantzea eta azterketa egin dute. Horrez gainera, errefuxiatuei diskriminaziorik gabe harrera egiteko deia egin dio euskal gizarteari. Hain zuzen ere, “Diskriminaziorik gabeko harrera” leloa izango dute Euskadiko hiriburuetako kaleetan zehar egingo diren manifestazioek; zehazki, bihar, ekainak 20, Gasteizko eta Bilboko kaleetan, eta ekainaren 24an, larunbata, Donostian.

Gehiago Irakurri

70 erakunde baino gehiago batu dira Deserrotuak manifestura

“Deserrotuak” klima-migrazioak salatzeaz harago doan manifestua da. Zehar-Errefuxiatuekin elkarteak sustatuta, erkidegoko, estatuko eta nazioarteko 70 erakundek baino gehiagok sinatu dute manifestua, beren jatorrizko herrialdeetan pertsonen bizitza eragozten duten eta planeta suntsitzen duten politiken aurka.

Raquel Celisek, Zehar-Errefuxiatuekin elkartearen intzidentzia taldeko kideak, azpimarratu du “ingurumen-desplazamenduaren arrazoi nagusia” sistema kapitalista dela. “Horrela, enpresa transnazional askok Hegoaldeko lurraldeak okupatzen dituzte eta, modu horretan, bertako baliabide naturalak erauzten dituzte eta bertakoen habitata eta bizimodua suntsitzen dute. Gainera, indarkeria erabiltzen dute bertan bizi diren pertsonak lekualdatzera behartzeko. Desplazatutako pertsonak dira, Deserrotuak”, adierazi du. Celisek Munduko Iparraldeko estatuei dei egin die “kanporatzea eragiten duten arrazoietan erantzukizunak har ditzaten, bai eta leku seguru bat zein nazioarteko babesa bermatuko dizkien mekanismoak martxan jartzeko ere”.

Irakurri manifestua HEMEN.

Zehar elkarteak gai honetan sakondu du azken urteotan, komunikazio-kanpaina baten bidez. Kanpaina horren spota HEMEN ikus daiteke. Horrez gain, ‘Deserrotuak: klima aldaketak behartutako desplazamenduen inguruko interpretazio kritiko bat’ txostena ere landu du. Txosten honek klima-aldaketaz harago joan nahi du, eta gure garapen-ereduan jarri du arreta.  Zehar-Errefuxiatuekin taldearen hausnarketa bat da ekoizpen, banaketa eta kontsumo neoliberalaren eredua ezartzeak eta kolapso ekosozialaren eta biztanleriaren desplazamendu behartuak duten harremanari buruzkoa. Bertan, lau herrialde aztertu dira adibide gisa: Kolonbia Hidroituango proiektu hidroelektrikoarekin, Kongoko Errepublika Demokratikoa koltanarekin, Senegal arrantzarekin eta Yemen urarekin. Txosten osoa HEMEN irakur dezakezu.

GIZA ESKUBIDEEN DEFENDATZAILEAK BABESTEKO EUSKAL PROGRAMAK KOLONBIAKO ETA EL SALVADORREKO BI EMAKUME HARTUKO DITU AURTEN

Kolonbiako eta El Salvadorreko giza eskubideen bi defendatzaile Giza Eskubideen Defendatzaileak Aldi Batez Babesteko Euskal Programaren deialdi berri honetan parte hartzen ari dira. Programa honen helburua da beren bizitza edo osotasun fisikoa arriskuan ikusten duten defendatzaileak babestea, beren jatorrizko herrialdeetan bizitzaren eta justizia sozialaren alde egiten duten jardueraren ondorioz. Helburu horrekin hartzen dira Euskadin sei hilabetez.

Gehiago Irakurri