II. Berdintasun Plana

eCEAR-Euskadiko Berdintasun Batzordea, UNA Gestión-ekin batera, erakundearen II. Berdintasun Plana garatzen lagunduko duen ekitatearen aldeko prozesuan bete-beterik dago. Prozesua bi fasek osatzen dute: auto-diagnostiko fasea genero ikuspuntutik entitatean aurki litezkeen ezberdintasun posibleak identifikatzean datza, jarraian eta auto-diagnostikoaren ondorioen laguntzaz, Ekintza Planaren elaborazio-fasean murgildu ahal izateko. Egun, prozesua auto-diagnostiko fasean aurkitzen da, Ekintza Plana uda ostean bukatuko dela aurreikusten delarik.

Guardar

“Beldurrik gabe bizi” Jardunaldia

VivirSinMiedo_Eusk

“Beldurrik gabe bizi” Jardunaldiak genero arrazoiengatiko jazarpena eta asilo eskubidearen inguruko hausnarketa sakontzea dauka helburu. Jardunaldi horretan feminizidioa, emakumeen mutilazio genitala eta behartutako ezkontza, sexu-esplotaziorako emakumeen salerosketa edo LGTTBI pertsonek jasaten duten jazarpena pairatu dutenen testigantzak ezagutuko ditugu. Unibertsitateko eragileei eta migrazio,giza eskubide edo garapen elkarteei zuzenduta dago.

Jardunaldia martxoak 16 eta 17, Zubiria Etxean (HEGOA / UPV) izango da.

Egitaraua

Izena-eman

Guardar

Melillara egindako Giza Eskubideen Behaketa Misioaren aldez aurreko ondorioak aurkeztu ditu CEAR-Euskadik

Amaierarik gabeko bidea: emakume-aztarnak hegoaldeko mugan

logo externalización fronterasErrefuxiatuen Laguntzarako Euskadiko Batzordeak (CEAR-Euskadi) Giza Eskubideen Behaketa Misio bat antolatu du Melillan, eta Eusko Legebiltzarraren Giza Eskubideen, Berdintasunaren eta Herritarren Partaidetzaren Batzordeak, Pedro Arrupe Giza Eskubideen Institutuak (Deustuko Unibertsitatea) eta Ikuspegik (Immigrazioaren Euskal Behatokiak) ere parte hartu dute ekimenean, bertaraino joan diren komunikabideekin batera.

Informazioa bildu eta emakume errefuxiatu eta etorkinek Melillan bizi duten egoera ikusgarri egite aldera, uztailaren 8tik 11ra bitarte bilerak egin dira Gobernu Ordezkaritzarekin, Etorkinak Aldi baterako Hartzeko Zentroko zuzendariarekin, Estatuaren Segurtasun Indar eta Kidegoekin, Abokatuen Elkargoarekin eta Giza Eskubideen Erakundeekin.

Ordezkaritzaren gainerako kideak iritsi aurretik, CEAR-Euskadik, giza eskubideen erakundeen laguntzarekin, hainbat emakumeren testigantzak bildu ditu eta Seluango kanpamenduak bisitatu ditu, Nadorreko probintzian (Maroko), bertan egoten baitira emakume horietako asko zain Europara noiz igaroko.

Irailean jendaurrean aurkeztuko den txosten batean bilduko da bisitaren emaitza, eta bertan garatuko dira zehatz-mehatz orain aurkezten ditugun aldez aurreko ondorioak.

Ondorioak

Guardar

Guardar

Magdalena ibaiaren murmurioak

El Quimboko zentral hidroelektrikoaz mintzo diren ahotsak. Huila departamendua, Kolonbia.

“Nora joko dugu orain? Nik ez dakit besterik egiten, arrantza da nire bizitza, 35 urtez aritu naiz arrantzan, inork ez dit jada lanik emango, eta orain txakurrak izango bagina bezala bota nahi gaituzte, hemen egin ditugun urteak aintzat hartu gabe.”

Alirio, Magdalena ibaiko arrantzalea.

Paperezko aleak eskatzen ditugu info@cear-euskadi.org–(e)n

591 km errefuxiatuen alde

concertina

Oscar Pasarín korrikalariak eta CEAR-Euskadik mendi-lasterketa bat antolatu dute, ‘Esto hay que cortarlo’ gaztelaniazko lelopean, hesien aurka eta Asilo Eskubidearen alde.

Hainbat pertsona gure irudimenarentzat pentsaezinak diren oso testuinguru kontrako eta bortitzetan bizi dira. Milaka lagun egunero altxatzen dira eta duintasunaren aldeko borrokan dihardute. Beren uste sendoak askatasunez adierazteko, beren sexu-aukerak askatasunez bizitzeko eta beste batzuek ere hori egin dezaten lortzeko duintasuna; lurraldea eta bertako natura-baliabideak babesteko duintasuna; emakumeak izateko eta emakume gisa defendatzeko duintasuna; gatazka armatuaren barnean biktimarioak salatzeko duintasun arriskutsua; azken batean, eskubideak izateko eskubidea defendatzeko duintasuna.

CEAR-Euskadik eskubide guztiak bortxatu direnean geratzen den eskubide bakarra defendatzen dugu. Eta uste osoarekin egiten dugu. Giza eskubideen alde lan egitea, eta bereziki asilo-eskubidearen alde, gaur egun, inoiz baino gehiago, erresistentzia modu bat da.

Egoera honen berri gehiago izateko honako arrazoibide hau behera kargatu dezakezu.

Lasterketa

Foto01591 km errefuxiatuen alde’ lasterketa ekainaren 27an hasi eta uztailaren 6an amaituko da. Denbora horretan Oscar Pasarínek 591 km egingo ditu mendiz mendi, gutxi gorabehera 36.000 metroko desnibelarekin, hau da, Everest 4 aldiz igotzearen parekoa. Euskal Herria zeharkatuko du etapaka, 112 udalerri zeharkatuz eta 7 hiriburuak bisitatuz.

Ibilbidea esteka honetan ikus dezakezu.

Oscar duela hiru urte hasi zen mendian lasterka, zaletasunak bultzatuta. Lehen lasterketa 2012an egin zuen, “101 Peregrinos” ultra-lasterketa hain zuzen ere, eta lasterkari gisa zituen gaitasunak egiaztatu zituen 14. tokian geratuz. Ordutik aurrera, bere entrenamenduak gogorragoak izan dira eta profesionaltasun handiko lasterketetan hartu du parte, lehen 25en artean amaitzea lortuz. Lasterketa batzuetan hiru lehenengoen artean ere amaitu du..

Lasterketari buruzko informazioa guztia webgunearen atal honetan argitaratuko da.

Ekimen honetan parte hartzeko

Lasterketa honetan hainbat modutan lagun dezakezu:

  • – Informazio hau zure kontaktuen artean zabalduz, e-mail, facebook, twitter edo beste edozein baliabide erabiliz.
  • – Km 1 erosiz, jardueraren helburuari laguntzeko. Ematen duzun euro bakoitzeko, kilometro bat hesi gutxiago! Erosteko sar zaitez honako esteka honetan.
  • – Oscarrekin batera joanez ibilbideko tarteren batean edo bestela uztailaren 6an lasterketaren azken kilometroetan, Bilbora iristen denean.
  • – Ceutako eta Melillako mugetako hesietan kontzertinak kentzeko eskaera sinatuz, honako esteka honetan.

Laguntzaileak
4trial tierraroble oryan sobradobus

Guardar

Giza eskubideen defendatzaileak aldi batez babesteko euskal programa

Programak, Eusko Jaurlaritzako Biktimen eta Giza Eskubideen Zuzendaritzak burututa eta CEAR-Euskadik kudeatuta, jatorrizko herrialdeetan egiten duten lanagatik bizia edo osotasun fisikoa arriskuan duten giza eskubideen defendatzaileak babestu dauka helburu. Horretarako, harrera egiten zaie Euskadin sei hilabetez.

Prozesu horren barruan laguntza psikosoziala eta lan politikoa daude, hartutako pertsonen eta haien erakunde, komunitate eta mugimenduen gizarte-sarea sendotzen laguntzearen ikuspuntutik. Honako hauek planteatzen dira. Euskadin egon bitarteko lanaren xedea da pertsona horiek eta haien erakundeek laguntza politiko eta instituzionalaren esparruan dauzkaten nazioarteko sareak zabaltzea eta indartzea. Sareek, praktikan, babes mekanismoak dira, eta jatorriko herrialdeetan giza eskubideen alde lan egiten jarraitzea ahalbidetzen dute. Lan horri esker, bestalde, giza eskubideen alde lan egiten duten erakundeek jasaten duten mehatxuzko egoera azaltzen eta salatzen da euskal herritarren eta erakundeen aurrean (bai eta, hala egokituz gero, Espainiakoen eta Europakoen aurrean ere), eta haiek guztiak sentsibilizatu egiten dira.

Babestutako pertsonak jatorriko herrietara itzultzean, euskal ordezkaritza batek herria bisitatzen du egoera pertsonal eta komunitarioaren jarraipena egiteko, segurtasun-sarea indartzeko eta gobernuaren, legebiltzarraren eta antolatzaileen laguntza agerian jartzeko.

Programaren aurkezpena

Nabarmenduak

Txostena
Kolonbiako Giza Eskubideen Egoera Behatzeko eta Jarraitzeko Euskadiko III. Ordezkaritza
Txostena
Jarraipeneko misioa Guatemala 2015
Txostena
Kolonbiako Giza Eskubideen Egoera Behatzeko eta Jarraitzeko Euskadiko III. Ordezkaritza
Txostena
Kolonbiako Giza Eskubideen Egoera Behatzeko eta Jarraitzeko Euskadiko III. Ordezkaritza
Borrokaren lekukotasunak
Lehen aldian, giza eskubideen aldeko hango hiru ekintzaileri egin zitzaien harrera.

 

Guardar

 

Informazioa jaso

Egin zaitez harpidedun gure buletinean, errefuxiatuei buruzko berri guztiak ezagutzeko eta nola lagundu dezakezun jakiteko



Jarrai gaitzazu sare sozialetan

Ezagutu zu bezalako pertsona solidarioak sare sozialetako gure komunitateetan, eta lagundu iezaguzu gure lana jende
gehiagorengana helarazten.

 

ico-facebook ico-twitter ico-youtube