CEAR-Euskadi

Historia apur bat | Misioa – Ikuspegia – Balioak | Sariak | Lana sarean

25 urte daramatzagu lanean eta Euskadin erakunde erreferente gara gizaki guztiek babesa eta asiloa lortzeko duten eskubidea aitortzeko borrokan. CEAR-Euskadin errefuxiatuen, aberrigabeen eta migratzaileen eskubideak defendatzen ditugu, eta horien garapena sustatzen dugu hartzen dituzten gizarte berrian.

Historia apur bat


CEARen historia 1979an hasi zen. Urte hartan, pertsona batzuek, babes bila iristen zirenen egoeragatik kezkatuta, Errefuxiatuei Laguntzeko Espainiako Batzordea (CEAR) sortu zuten.

Proiektu honen zati txiki bat Euskadin jarri zen martxan 1989an. Ez zuten baliabide handirik, baina ilusio handia zuten. 1996. urtean, CEAR-Euskadi GKE bihurtu zen, berezko nortasun juridikoarekin.

Misioa, ikuspegia eta balioak


CEAR eta CEAR Euskadi bi erakunde dira, baina misio bera dute:

Gure misioa giza eskubideak defendatzea eta sustatzea da, eta nazioarteko babesa behar duten eta/edo baztertuak izateko arriskuan dauden errefuxiatuen, lekualdatuen, aberrigabeen eta migratzaileen garapen osoa bultzatzea.


Langile ordainduek, bazkideek eta boluntarioek osatzen dute CEAR-Euskadiko giza taldea, eta elkarrekin egiten dute lan, ikuspegi jakin batekin:

CEAR-Euskadi aldaketarako eta eraldaketarako eragile gisa finkatu da. Diskriminaziorik gabeko gizarte iraunkor eta justu bat lortzea du helburu, aukera-berdintasunean eta nortasun indibidual zein kolektiboarekiko errespetuan oinarritutakoa, eta, horretarako, integrazio-, gizarte-, kultura-, lan- eta politika-prozesuak lantzen ditu, intereseko beste hainbat talderekin sarean arituz.

Hauek dira erakunde gisa ditugun balioak: n:

  • Justizia
  • Konpromiso etikoa
  • Eraginkortasuna
  • Efizientzia
  • Zaintza
  • Independentzia
  • Parte-hartzea
  • Gardentasuna
  • Konfiantza
  • Aktibismoa / inplikazioa / konpromisoao

Sariak


Urte hauetan zehar, hainbat sari jaso ditugu gure lana dela eta. Besteak beste, honako hauek:

2013ko Giza Eskubideen Rene Cassin saria

Sari hau Bakegintza eta Bizikidetzarako Idazkaritza Nagusiak eman zion CEAR-Euskadiri, Eusko Jaurlaritzako Biktimen eta Giza Eskubideen Zuzendaritzaren bitartez, “errefuxiatuen eta migratzaileen defentsan” eginiko ibilbide luzea eta “euskal gizartearen barruan kulturarteko bizikidetza baten alde garatutako laguntza eta pedagogia soziala” eskertzeko.

Eusko Jaurlaritzak sortu zuen René Cassin saria, giza eskubideen arloan aritzen diren pertsona fisiko edo juridikoek egiten duten lana jendaurrean aitortzeko. René Cassin Baionan jaio zen 1887. urtean; Giza Eskubideen Adierazpen Unibertsalaren inspiratzaile nagusitzat jotzen da, eta Bakearen Nobel Saria irabazi zuen 1968an. Horregatik du izen hori sariak.

Sabino Arana Fundazioaren 2015 eko saria

Sabino Arana Fundazioak banatzean, “25 urteetan baino gehiagotan giza eskubideak defendatzeko eta horiek sustatzeko eta nazioarteko babesa behar duten eta/edo baztertzeko arriskuan dauden errefuxiatuen, lekualdatuen, aberrigabeen eta migratzaileen garapen osoa bermatzeko eginiko lana” aitortu zion CEAR-Euskadiri.

CEAR-Euskadik 1966tik hona egindako lana nabarmendu zuen Fundazioak:“errefuxiatuak eta immigranteak hartzea, ahalduntzea eta integratzea; giza eskubideen inguruko sentsibilizazio- eta sustapen-lana; eskubide horien urraketa salatzea; eta pertsona guztiok duintasun eta eskubide berak ditugulako printzipioa defendatzea”.

Bideo honetan Pretty Rosa Gutiérrez Venezuelako errefuxiatuaren eta Javier Galparsoro CEAR-Euskadiko presidentearen hitzaldia ikus dezakezu, haiek jaso baitzuten saria.

Lana sarean


CEAR-Euskadin aliantzen eta elkarlanen oinarri zabal bat dugu, eta horiek dira, hain zuzen ere, sarean egiten dugun lanaren motorra.

ERAGILE ALIATUAK HARREMAN MOTA JARDUERA
Euskadiko Etorkinen Laguntzarako GKE-en Koordinakundea(Harresiak Apurtuz) Erakunde kidea Erakundeen Koordinakundea – Biltzarra

Egoitza Bazterkeriaren Batzordea Gizarte eta Osasun Batzordea

BESTEBI plataforma Erakunde kidea Sareko lana, egoitza-inklusioaren eta etxerik gabeko pertsonen alde
EAPN – Euskadi Erakunde kidea Pobreziaren aurka borrokatzeko Europako Sarea Euskadin

Partaidetza Batzordea.Biltzarra.Osasun Mahaia

GIZARDATZ Erakunde kidea Gizarte esku-hartzeko sektoreko patronala.

Biltzarrak

HEMEN Partzuergoa Laguntza gazte atzerritarrentzat.Partzuergoko burua, kudeaketa ekonomikoaren arduraduna
Harribide Fundazioa Lankidetza-hitzarmena Gazte-ostatua
URETAMENDI komunitatea Ahozko hitzarmena “Ureta” gazte-ostatua
BIZKAIKO FORU ALDUNDIA.GUFE Lankidetza-hitzarmena Lokalaren lagapena
Eusko Jaurlaritzaren Biktimen eta Giza Eskubideen Zuzendaritza Hitzarmena Giza eskubideen defendatzaileak aldi batez babesteko euskal programa
Kolonbiako Bakearen eta Giza Eskubideen aldeko plataforma Erakunde kidea Giza eskubideen defentsarako Kolonbiako estatuko sarea
Garapenerako Lankidetzaren Euskal Kontseilua Kidea kontseiluan Eusko Jaurlaritzaren organoa; lankidetzaren arloko eragileek ordezkariak dituzte bertan. Kontseiluak proposamenak aurkezteko, irizpenak emateko eta garapenerako euskal lankidetza publikoaren jarraipena egiteko gaitasuna dauka.
Boluntariotzaren Euskal Kontseilua Kidea kontseiluan Eusko Jaurlaritzaren organoa, boluntariotzarekin loturiko gaiei buruzko topaketarako, aholkularitzarako eta kontsultarako.
Boluntariotza Foroa Erakunde kidea Boluntariotzari buruz hausnartzeko eta figura hori sustatzeko gunea, Bizkaian.
Giza eskubideen defendatzaileak aldi batez berriz kokatzeko plataforma globala (Europako Batzordea) Erakunde kidea Arriskuan dauden giza eskubideen defendatzaileak aldi batez berriz kokatzeko lanean diharduten nazio mailako, eskualde mailako eta nazioarteko erakundeak koordinatzeko eta lankidetzan aritzeko europar plataforma.
EUSKO JAURLARITZA. Enplegu eta Gizarte Politiketako Saila Lagapen-hitzarmena Etxebizitzen lagapena
DONOSTIAko Udala.Gazteria, Lankidetza eta Giza Eskubideen Zuzendaritza Lankidetza-protokoloa Gomendioak egitea eta zinemaren eta giza eskubideen inguruko topaketetan parte hartzea
Deustuko Unibertsitatea Hitzarmena Filosofia eta Hezkuntza Zientziak Fakultateko praktiketako ikasleak.Psikologia Fakultatea.Soziologia Fakultatea.Gizarte Lana.Gizarte Hezkuntza.Zuzenbide Fakultatea.Pedro Arrupe Giza Eskubideen Institutua.

NOHA Masterra

Euskal Herriko Unibertsitatea Praktiketako ikasleak Asilo-eskubideari buruzko prestakuntza hemen:Zuzenbide Fakultatea

Gizarte Laneko Fakultatea Hegoa Masterra

Migrazioen Masterra

Bizkaia Jaurerriko Abokatuen Bazkun Ohoretsua Hitzarmena Praktiketako ikasleak.

Asilo-eskubideari buruzko prestakuntza.

Jarduera publikoen antolaketa

ATEGORRI-TARTANGAGLHBI hezkuntza-zentroa Hitzarmena Praktiketako ikasleak
Bilboko Udala.Gizarte Ekintza Arloa Lankidetza-hitzarmena Erroldatzea etxerik gabeko pertsonentzat
Botika Zaharra GLHBI Lankidetza-hitzarmena Praktiketako ikasleak
EDE FUNDAZIOA
EDE Fundazioaren hezkuntza-zentroa Garapenerako GKEa
Lankidetza-hitzarmena MENASekin esku-hartzeko prestakuntza Praktiketako ikasleak
Bizkaiko Emakumeak Ahalduntzeko Eskolak Lankidetza-hitzarmena Asiloaren, generoagatiko jazarpenaren eta asilo-eskubidearen inguruko sentsibilizazioa
NAHIA Lankidetza-hitzarmena Genero-ikuspegiari eta sexu-aniztasunari buruzko lan-sarea
Gernika Gogoratuz Elkarlana eta lankidetza Ekimena: “Memoria partekatuak: asilo-eskubidea, frankismoaren garaiko erbesteratze-esperientzien begietatik”
ZAS zurrumurruen aurkako euskal sarea (2015ean formalizatua baina 2015ean sortua) ZAS zurrumurruen aurkako euskal sarea (2015ean formalizatua baina 2015ean sortua) EAEn zurrumurruen aurkako estrategia koordinatzea
ERABEREAN tratu-berdintasunerako eta diskriminaziorik ezerako sarea ERABEREAN sarearen Arabako antena-erakundea Eusko Jaurlaritzak sustatutako sarea, arraza, etnia edota nazio jatorriak, zein sexu-orientazioa eta -identitateak eta genero-identitateak eragindako diskriminazioari aurre egiteko.
Gora Gasteiz Talde Motorreko eta Komunikazio Batzordeko kide den elkartea Gasteiz plurala eta askotarikoa eraso xenofoboetatik babesteko eta kulturari dagokionez heterogeneoa den bertako biztanleriaren giza eskubideak defendatzeko sortutako gizarte-mobilizaziorako herri-ekimena.
Gasteiz Irekia Talde Motorreko eta Komunikazio Batzordeko kide den elkartea Vitoria-Gasteizek aterpe-hiri gisa dituen aldarrikapenak biltzeko sorturiko herri-plataforma
Isiltasun-zirkuluak Vitoria-Gasteizen Erakunde kidea, bigarren mailako rola Tokiko politiketan eragiteko xedea duen herritar taldea. “Zure isiltasuna da zure garrasirik indartsuena” lelopean biltzen dira hileko lehen ostegunean, gizartetik at gelditzeko arriskuan dauden pertsonentzako baliabideen kudeaketa defizitarioa salatzeko.
Emakunderen Emakumezkoen salerosketaren biktimentzako mahaia Erakunde kidea Emakundek sortu eta zuzendutako mahaia, emakumeen eta neskatoen sexu-esplotaziorako salerosketaren biktimak hartzeko eta babesteko protokoloa erkidegora egokitzeko. EAEko 11 erakundek eta 11 instituziok eratuta dago.
EKIMEN ELKARTEA Parte-hartzaileak Gizarte-problematikak aztertzeko, osasuna sustatzeko eta pertsona ororen eskubideak babesteko elkartea.
ECOSISTEMA Erakunde kidea ECOSISTEMA proiektuak 11 egoitza-plaza eta 3 hezkuntza-plaza kudeatzen ditu, proiektuaren babesean daudenek non bizi izan dezaten, bizimodu autonomoa izateko moduan diren bitartean.
Alokairuko etxebizitzen bila dabiltzanen diskriminazioaren aurkako Gasteizko plataforma Erakunde kidea Baztertutako pertsonei etxebizitza lortzen laguntzen dieten Gasteizko hainbat erakundek osatutako plataforma bat da.  Herritarrak eta higiezinen agenteak sentsibilizatzeko kanpaina bat diseinatzen dihardu, beren etxeen eta buruen “ateak ireki” diezazkioten dibertsitateari. Era berean, ikertzen ari dira zer tresna balia daitezkeen higiezinen agenteek alde batera utz ditzaten zeharka bada ere diskriminazioa bultzatzen duten eskakizunak.
Sareak Josten Erakunde kidea Gasteizko erakunde eta baliabide sozialen plataforma, komunitatearen esku-hartzearen bidez lanean diharduena bi helburu lortzeko: batetik, kolektibo eta elkarteen artean sinergiak sortzeko eta zubi-lanak egiteko, eta, bestetik, dibertsitatea hirian elementu positibo bat dela ikusarazteko.
Red de Castellano Araba Tipi-Tapa Erakunde kidea Tipi-Tapa 2014an abian jarritako sare bat da, eta haren helburua da gaztelania ikasteko hiriko eskaerari erantzutea, erakundeek ez baitiote horri heltzen. Irabazi-asmorik gabeko zortzi erakundek osatzen dute sarea: Accem, Adra, Adsis, CEAR, Itaka-Eskolapioak, Emakumeak aniztasunean, Sansomendi parrokia eta Prestaturik. Guztien artean, bostehun bat lagunen beharrak asetzen dituzte.
Ongi Etorri Errefuxiatuak Bizkaia plataforma Entitate atxikia Ongi Etorri Errefuxiatuak (OEE) plataformaren helburua Bizkaiko herritarrak sentsibilizatzea da, errefuxiatuek bizi duten drama humanitarioaz jabe daitezen, eta, horrela, gizartea solidario egiten joan dadin, bizi dugun une historikoko arazo larriak sentitzeko eta konpromiso pertsonalak zein kolektiboak hartzeko gai izango dena. CEAR-Euskadik hainbat ekintza eta mobilizaziotan parte hartu du, entitate atxiki moduan.