Harrera-ibilbidea


CEAR-Euskadi-que_hacemos

CEAR Laneko eta Gizarte Segurantzako Ministerioak (LGSM) ezarri eta finantzatutako harrera-sistemaren parte da.

LGSMak ezarritako ibilbideak, egun, hiru fase ditu:

1. Harrera-fasea

Nazioarteko babesa eskatzen duten pertsonen
oinarrizko beharrak estaltzea du helburu,
harreradispositiboen bidez. Horiek beste
zerbitzu batzuekin osatzen dira, hala nola, esku-hartze
psikologikoko, itzulpengintza eta interpretazioko, edo
lege-aholkularitzako zerbitzuekin. 6 eta 9 hilabete
artean irauten du.

2. Integrazio-fasea

Hasiera ematen zaio pertsona horiek
harrera-dispositibotik atera eta babesa jasotzen
jarraitu behar dutenean. Horretarako
konpainia-ibilbide bat definitzen da, pertsona
horren autonomia eta independentzia sustatzeko.
Fase hori ibilbideari ekin zaion probintzia berean
garatuko da eta urtebetera arteko iraupena izan
dezake.

3. Autonomia-fasea

Fase honetan, onuradunak behin-behineko laguntza
edo babesa behar izan dezake arlo zehatzetan.

 

Harrera-etxeak


Asilo-ibilbideko lehenengo fasean (6 eta 9 hilabete artean irauten du, pertsona errefuxiatuaren kalteberatasun-mailaren arabera), *bizitza berri bati hasiera-hasieratik ekiten diotenez*, etxebizitza bat eta laguntza ekonomikoa eskaintzen dizkiegu, eguneroko gastuei aurre egin ahal izan diezaieten.

Gizarte-hezitzailez, psikologoz eta juristaz osatutako talde baten babesa izaten dute; horiek laguntza eskaintzen diete behar duten alor guztietan, beren egoera berriari aurre egiteko: inguruaren ezaguera, gaztelania-eskolak, prestakuntzari buruzko aholkularitza, agiriak eta laguntzak izapidetzea, babes psikologikoa, medikuarenera laguntzea, etab.

Euskadin, CEARek 186 harrera-leku ditu une honetan:

94
Bizkaian

42
Araban

24
Gipuzkoan

Plaza horiek honako harrera-dispositibo hauetan banatuta daude:

17
Bilbon

7
Gasteizen

9
Donostian

Hobetzeko puntuak


Azken urtean harrera-sistemaren dispositibo kopurua handitu bada ere, oraindik hobekuntza asko daude egiteko:

Ez dute aukeratzen non berregin beren bizitza

Pertsona guztientzat ezarritako ibilbide orokorrak direnez, pertsonak ez dira beren prozesuen protagonista. Ezin dute aukeratu zein erkidegotan egon; plaza libreak dauden erkidegoan esleitzen zaie plaza.

Ibilbideak EZ dira faseetan amaitzen

Pertsona bakoitzak bere prozesua dauka, eta askotan, prozesu pertsonala eta ezarritakoa ez datoz bat. Prozesu pertsonala gehiago luzatzen da, baina fasea amaitzen denean, ez zaie gehiago babesik ematen.

Pertsona batzuk baztertzen dira

Ezarritako baldintzetatik at geratzen dira eta ez dute LGSMko ibilbideetara sartzeko aukerarik. Hala gertatzen da, adibidez, Espainian 5 urte baino gehiago daramatzaten pertsonekin edo asilo-eskaera ukatu dietenekin.